“Chromebooklar” “Google Drive” və digər “Google” xidmətləri və tətbiqləri ilə yaxşı işləyir, lakin şirkət “Microsoft Office” daxil olmaqla digər proqram təminatına dəstək verir. Buna baxmayaraq, “Microsoft”un özü “Chrome OS” dəstəyindən imtina etmək niyyətindədir.
“ICTinfo.az” “3dnews.ru” resursuna istinadən bildiri ki,şirkət “Chromebook”-a yüklənən “Android” əsaslı “Office” tətbiqlərinə dəstəyi dayandırır. Eyni zamanda, proqram paketinin onlayn versiyasını istifadə etmək imkanı qalacaq, ancaq ofis paketini “Google Play Store” -dan yükləmək imkanı yox olacaq.
“Microsoft” artıq bəzi istifadəçilərə siyasət dəyişikliyi bildirişi göndərib.İstehsalçının sözlərinə görə, dəstəyə tam son verilməsi sentyabr ayına planlaşdırılır. Xüsusilə, 18 sentyabrdan etibarən istifadəçilər ofis alətlərinə daxil olmaq üçün office.com və outlook.com saytlarından istifadə etməli olacaqlar. Eyni zamanda, “Android” üçün “Offic”e tətbiqləri heç bir yerə getməyəcək – sadəcə “Chrome OS” -də işləməyi dayandırırlar.
