“Microsoft” “Android” qurğular üçün “Defender” antivirusunun ilkin versiyasını istifadəyə verdi.O,proqramların təhlükəsizliyini yoxlayır və haker hücumları haqqında xəbərdarlıq edir.”ICTinfo.az” “hi-tech.mail.ru” resursduna istinadən bildirir ki,şirkət “IOS” üçün belə bir antivurusu 2020-ci ilin sonuna kimi istifadəyə verməyi planlaşdırır.İndiyə qədər “Microsoft”-un antivirusunun
“iPhone”-da bu funksiyaları necə yerinə yetirəcəyi anlaşılmazdır, çünki “Apple” öz qurğularında belə proqramları tam şəkildə məhdudlaşdırır.“Microsoft”un mobil antivirusun əsas məqsədi fırıldaqçıların istifadəçilərin şifrlərini, bank kartlarının məlumatlarını və başqa vacib informasiyaları ələ keçirməsinin qarşısını almaq üçün fişinq hücumlarından müdafiədir. Bu proqram şübhəli bir göndərəndən məktub aldığınız və ya etibarsız sayta daxil olduğunuz barədə avtomatik rejimdə xəbərdarlıq edə bilər.
“Android” smartfon istifadəçiləri “Microsoft Defender”-i testdən keçirə bilərlər.
Görünür ki,”Microsoft” öz ilk “Surface Duo” “Android” smartfonunun işə salınmasına hazırlanır.
