“Bloomberg” nəşri planetimizin ən zəngin 500 adamının yenilənmiş siyahısını hazırlayıb. Reytinqin lideri sərvəti 247 milyard dollar dəyərində qiymətləndirilən SpaceX və Tesla şirkətlərinin rəhbəri İlon Mask olmaqda davam edir.
Bloomberg-in məlumatına görə, 500 ən zəngin insan 2023-cü ilin birinci yarısında sərvətlərini 852 milyard dollar artırıb. Hesabat dövründə milyarderlərin hər biri gündə orta hesabla 14 milyon dollar qazanıb. Ən varlı insanların sərvətindəki artım birjada davam edən yüksəlişlə üst-üstə düşdü. S&P 500 və Nasdaq 100 altı ayda müvafiq olaraq 16% və 39% bahalaşıb, bunun səbəbi süni intellekt texnologiyası şirkətlərinə investisiyaların artmasıdır.
İlk 6 ayda İlon Mask digərlərindən çox qazanıb, onun sərvəti 96,6 milyard dollar artıb.Qeyd edilir ki, Maskın sərvəti iyul ayında da artmaqda davam edib, o zaman Tesla səhmləri 6,9% artıb və bu, milyarderə daha 13 milyard dollar qazandırıb. Sonrakı yerdə ilin birinci yarısında sərvəti 58,9 milyard dollar artan Meta * Platforms-un rəhbəri Mark Zukerberq gəlir.Hesabat dövründə ən çox sərvəti 60,2 milyard dollar azalan hindli milyarder Qautam Adani itirib.
