ABŞ-da fəaliyyət göstərən “Petra.com” internet mağazası hələ satışa çıxmayan LG V20 smartfonunun fotolarını təqdim edib.Technote.az-ın məlumatına görə,təqdim olunmuş fotolarda smartfon şəffaf keysdə əks olunmuşdur. Keys cihazın dizaynını yaxından incələməyə imkan verməsə də onun haqqında bəzi xüsusiyyətləri demək olar. “Technote.az”ın “Hi-tech.mail.ru” saytına istinadən verdiyi xəbərə əsasən LG V20 metal korpusa və dairəvi künclərə sahib olacaq. LG V10-da olduğu kimi yeni modelin də əas ekranının üzərində əlavə bir ekran olacaq. LG G5-dən isə yeni cihaz ikili arxa kamera xüsusiyyətini özünə götürəcək. Smartfonun tam texniki göstəriciləri ilə aşağıdan tanış ola bilərsiniz.
– 2560×1440 piksel keyfiyyətli 5.7 inç ekran
– 2.2 GHz tezlikli 4 nüvəli Qualcomm 820 və ya 821
– 4GB RAM
– 21MP ikili arxa və 8MP ikili ön kamera
– Android 7.0 Nougat əməliyyat sistemi
“LG” şirkəti artıq LG V20-nin 6 Sentyabr tarixində San Fransiskoda təqdim olunacağını təsdiqləyib. Qeyd edək ki, LG V20 Android 7.0 Nougat əməliyyat sistemi üzərində çalışacaq ilk smartfon olacaq.
