LG Electronics avtomobillər üçün yeni antena hazırlayıb.O, gözəgörünməzdir və avtomobilin görünüşünü korlamır, çünki o, birbaşa ön şüşəyə və ya lyuk şüşəsinə inteqrasiya olunub. Cihaz 5G siqnalizasiya, Wi-Fi və GNSS istifadə edərək naviqasiyanı dəstəkləyir.
Antenna birbaşa avtomobil şüşəsinə bərkidilmiş iki qatlı şəffaf plyonkadır və bu, avtomobilin ön şüşəsinə və ya şüşə lyukuna inteqrasiyanı asanlaşdırır. Bu o deməkdir ki, ənənəvi antenaların yerləşdirilməsinə ehtiyac olmadığı üçün avtomobil istehsalçıları dizaynda heç bir dəyişiklik etməli olmayacaqlar. Cihaz qlobal naviqasiya peyk sisteminə qədər bütün rabitə növlərini dəstəkləyir.
Yenilik rəsmi olaraq gələn ay Las-Veqasda CES sərgisində təqdim olunacaq.
