“LG” “SID 2022 Display Week” texnologiya sərgisində eyni anda iki orijinal yeniliyi nümayiş etdirdi.Smartfonlar üçün istənilən bucaqda əyilən qatlanan displey və fiziki klaviaturası olmayan qatlana bilən noutbukların istehsalı üçün nəzərdə tutulan daha böyük panel.
OLED sensor ekranı 0-dan 360 dərəcəyə qədər istənilən bucaqda içəri və ya kənara qatlana bilər. Şirkət iddia edir ki, yeniliyin resursu əməliyyat xüsusiyyətlərini itirmədən 200 000-ə qədər əyilmədir. Açılan zaman yeni panelin diaqonalı 8,03 düym, təsvir ölçüsü 2480×2200 piksel (413 ppi), pik parlaqlıq isə 600 nit (nominal 430 nit) təşkil edir.
Displeyin digər xüsusiyyəti yüksək keyfiyyətli rəng reproduksiyası idi (DCI-P3 rəng gamutunun 109,9%-ni əhatə edir). Ekranın səthində barmaq izlərinin görünməsinin qarşısını alan oleofob örtüyün olması da qeyd olunur. İddialara görə, şirkət struktura möhkəmlik vermək üçün ultra nazik qoruyucu şüşədən (UTG) istifadə edir, lakin bu məlumat hələ rəsmi olaraq təsdiqini tapmayıb.
Brendin digər yeniliyi 180 dərəcə əyilmə qabiliyyətinə malik 17 düymlük qatlana bilən OLED paneldir. Onun noutbukların hazırlanmasında istifadə ediləcəyi gözlənilir, onlardan birinin prototipi tədbirdə nümayiş etdirilib. Təqdim olunan panellər əsasında ilk kommersiya məhsullarının meydana çıxma tarixi hələ məlum deyil.
