Yüksək Texnologiyalar Parkında Nəqliyyat, Rabitə və Yüksək Texnologiyalar Nazirliyi və İsrailin Azərbaycandakı səfirliyinin nümayəndələri ilə görüş keçirilib.
Görüşdə İsrail Səfirliyinin Missiya Rəhbərinin Müavini Avital Rosenberg iştirak edib.Görüş zamanı startap hərəkatının təşviqi, ekosistem mühitinin gücləndirilməsi məqsədi ilə Yüksək Texnologiyalar Parkına yeni layihələr təqdim edilib. İsrail ilə birgə mübadilə proqramlarının həyata keçirilməsinə dair fikir mübadiləsi aparılıb.
Bundan başqa, Nəqliyyat, Rabitə və Yüksək Texnologiyalar Nazirliyi, eləcə də, Yüksək Texnologiyalar Parkı tərəfindən təşkil edilən tədbirlərdə İsrail şirkət və ekspertlərin iştirakı məsələsi müzakirə olunub.
