İRİA İTU Startap Mərkəzi Avrasiya Forumunda

Bu gün İTU, SABAH.lab , Future Laboratory və Startap Mərkəzi Avrasiya ofisinin birgə təşkilatçılığı ilə Bakıda start götürmüş beynəlxalq forumda startap ekosisteminin inkişaf etdirilməsi istiqamətlərində maraqlı sessiyalar təşkil olunub. Forumda tanınmış ekspertlər startapların böyüməsi və sərmayələrin cəlb edilməsinə dair maraqlı təqdimatlarla çıxış ediblər. Forumun 2-ci panel sessiyasında İnnovasiya və Rəqəmsal İnkişaf Agentliyinin
(İRİA) innovasiya ekosisteminin quruculuğu departamentinin rəhbəri Leyla Hacıyeva çıxış edib. İRİA təmsilçisi çıxışında:

ekosistemin inkişafında dövlətin yatırım alətləri,

açıq məlumatlar bazasının əlçatan olması,

hüquqi bazanın təkmilləşdirilməsi,

startapların rəqabət aparmaq bacarıqlarının inkişaf etdirilməsindən danışıb.

Leyla Hacıyeva eyni zamanda Technest Təqaüd Proqramının fəaliyyəti ilə bağlı geniş məlumat verib.

İnteraktiv davam edən sual-cavab sessiyalarında startapların çoxsaylı sualları cavablandırılıb.