28 – 29 sentyabrda Astanada “Digital Bridge 2022” beynəlxalq forumu keçirilib. “Mərkəzi Avrasiya yeni texnologiya platforması kimi” mövzusunda keçirilən forumda İnarə Vəliyevanın başçılıq etdiyi nümayəndə heyəti də iştirak edib.
Milli İnformasiya Texnologiyaları Mərkəzi, “MOST” qrupu, Astana Hub, Astana İT Universiteti, Alem məktəbi, Astana Beynəlxalq Maliyyə Mərkəzi, Rəqəmsal Hökumətə Dəstək Mərkəzi ilə keçirilən görüşlərdə innovasiya ekosisteminin qurulması, vençur fondlar və investisiya mühitinin formalaşdırılması, İKT üzrə mütəxəssislərin yetişdirilməsi, rəqəmsal savadlılıq, açıq hökumət, dövlət xidmətlərinin optimallaşdırılması istiqamətlərində müzakirələr və təcrübə mübadiləsi aparılıb. 
