Yeni “iPhone 7” smartfonlarının ilk partiyası Çindən göndərilib.
İKT.lent.az-ın “vladtime.ru” saytına istinadən məlumatına görə, bu barədə Çin KİV-ləri məlumat yayıb.Xatırladaq ki, “Apple” şirkəti yeni cihazının təqdimatını sentyabrın 7-də keçirəcək.
İlkin məlumata görə, sentyabrın 2-də Çjençjou şəhərindən 84,3 min ədəd yeni “iPhone” yüklənərək göndərilib. Sentyabrın 4-də isə xarici sifarişçilərə təxminən 370 min ədəd yeni smartfon göndərilib. Böyük sayda cihaz göndərilən ölkələrin arasında əsasən Böyük Britaniya, Hollandiya və ABŞ-ın adları var.
Bu cür məlumatlar hələlik həqiqətə uyğun hesab olunmur. Çünki gömrük xidmətinin əməkdaşlarından heç kim hələlik bu məlumatı təsdiqləməyib.
Qeyd edək ki, “Apple” şirkəti sentyabrın 7-də yenilənmiş “Apple Watch” saatlarının da təqdimatını keçirməyə hazırlaşır.
