Çinin HTC şirkəti “Google Nexus 9” planşetinin istehsalını və satışını tam olaraq dayandırıb. “runews24.ru” saytı yazır ki, “Android” əməliyyat sistemi bazasında çalışan planşet “Google Store” mağazalarında 40 faizlik endirimlə satılırdı.
HTC istehsalçıları rəsmi olaraq bildiriblər ki, “Nexus 9” planşetinin istehsalı ona görə dayanıb ki, hazırda bu planşeti şirkətin firma mağazalarında əldə etmək qətiyyən mümkün deyil. Aprel ayının sonunda planşetin “Google Store” mağazalarında da satışına son qoyulub.
Qeyd edək ki, “Google Nexus 9” 2,3 Hz tezlikli ikinüvəli “NVIDIA Tegra K1” prosessoru bazasında çalışır. Həmçinin planşet 2 Gb əməliyyat yaddaşına malikdir. Bildirilir ki, hazırkı dövr üçün bu planşet artıq köhnəlib.
