“Haitong International Securities” şirkətinin analitiki Jeff Poo gələcək “Apple iPhone 14” smartfonlarının bəzi xüsusiyyətlərini,o cümlədən 48 meqapiksellik kamera və 8 GB operativ yaddaş alacağını açıqlayıb.
O,qeyd edir ki, ən yaxşı iki model-“iPhone 14 Pro” və “iPhone 14 Pro Max”-48MP əsas sensor, 12MP ultra geniş bucaq və 12MP telefoto ilə üç kameraya sahib olacaq. Bu,açıqlama 2022-ci ilin aprel ayında “Apple” smartfonlarının 8K video dəstəyi ilə 48MP obyektiv alacağını elan edən başqa bir nüfuzlu insayder Ming-Chi Kuo tərəfindən verilən məlumata uyğundur.
Pu həmçinin “iPhone 14 Pro” / “Pro Max” modellərinin indiki qabaqcıl smartfonlar kimi 6 GB və 8 GB RAM ilə satışa çıxacağını gözləyir. Bundan əlavə, analitik güman edir ki,”iPhone 14″ xəttinin bütün smartfonları 120 Hz yenilənmə tezliyi ilə ekranlar alacaq.
