“Instagram” populyar olan qısa video paylaşma platforması “TikTok” ilə daha yaxşı rəqabət aparmaq üçün yeni funksiyalar təqdim etməyə davam edir.Sosial şəbəkə hekayələrin göstərilməsini “TikTok”-da olduğu kimi şaquli sürüşməni sınaqdan keçirməyə başladı.
Keçən il “Instagram” hekayələrə baxmaq üçün yeni üsul üzərində işlədiyini bildirdi. İndi bəzi sosial şəbəkə istifadəçiləri ona giriş əldə edib. Bildirilir ki, Türkiyə və Braziliyadakı bəzi “Instagram” istifadəçiləri hekayələr arasında sürüşdürmənin yeni üsulunu ilk dəfə sınaqdan keçiriblər.
Yeniləmə növbəti istifadəçinin hekayələrinə keçərkən hekayələrə şaquli sürüşmə əlavə edir. Bir istifadəçinin hekayələri arasında keçid adi qaydada – ekranın sol və ya sağ tərəfinə toxunmaqla həyata keçirilir.
Yeni funksiyanın bütün istifadəçilər üçün nə vaxt əlçatan olacağı hələlik məlum deyil. Xatırladaq ki,”Instagram” ötən il sosial şəbəkənin tezliklə dəyişik olacağınıı və daha çox video məzmunlu olacağını bildirmişdi. Sosial şəbəkə artıq kvadrat şəkil paylaşma xidməti olmaq istəmədiyini açıqlayıb.
