“Instagram” sosial media istifadəçilərinə 2021-ci ilin ən yaxşı on hekayəsini öz izləyiciləri ilə paylaşmağa imkan verəcək “Playback” funksiyasını işə salır.”ICTinfo.az” “3dnews.ru” resursuna istinadən bildirir ki,xidmət müstəqil olaraq kolleksiya yaradacaq, lakin istifadəçilər arxivdən hekayələri silməklə və ya əlavə etməklə onu redaktə edə biləcəklər.
Sosial şəbəkə istifadəçiləri “İnstaqram” lentlərində onları ilin ən yaxşı hekayələrindən seçim yaratmağa dəvət edən bir mesaj görəcəklər.Təəssüf ki, bu il “Instagram” yenə istifadəçilərə ilin ən yaxşı fotolarından kollaj yaratmağı təklif etmir. Sosial şəbəkə istifadəçiləri arasında kifayət qədər populyar olan bu funksiya üçüncü tərəf xidmətləri sayəsində həyata keçirilə bilər, lakin bunun müqabilində çox vaxt onlar şəxsi məlumatlara giriş tələb edirlər. “Instagram”-da daxili kollaj yaradan alətlər var, lakin onlar avtomatik olaraq bir təqvim ili üçün ən yaxşı fotoşəkillərin seçimini yaratmır.
Şirkətdən verilən məlumata görə,”Playback” funksiyası cümə axşamından etibarən bütün “Instagram” istifadəçiləri üçün əlçatan olacaq.
