İnternetdə HMD smartfonununşəkilləri ortaya çıxıb.İnsayderlərin fikrincə,bu brendin ilk cihazı olacaq. Onun dizaynı əvvəllər göstəriləndən nəzərəçarpacaq dərəcədə fərqlənir, eyni zamanda şirkətin mobil bazarda öz tarixinə büdcə modeli ilə başlamaq niyyətində olduğu şayiələrini təsdiqləyir.
Şəkilə görə,qurğunun ikili əsas kamera, arxa qapağında korporativ loqosu olan tutqun plastik korpus və ön kamera üçün deşik olan displey ilə təchiz olunacaq. Güc və səs düymələri cihazın sağ tərəfində yerləşəcək.
Gələcək yeni məhsulun texniki xüsusiyyətləri hələlik məlum deyil. Ötən ilin oktyabrında HMD Global-ın Hindistan və Asiya-Sakit Okean üzrə vitse-prezidenti Ravi Kunvar təsdiqləmişdi ki, şirkət 2024-cü ilin birinci yarısında öz brendi altında smartfon təqdim edəcək (şayiələrə görə, təqdimat apreldə baş tutacaq).
Sənaye insayderlərinin fikrincə, şirkət əvvəlcə ucuz cihazlara diqqət yetirəcək və tədricən kataloqu flaqman modellərə qədər genişləndirməyə başlayacaq. Şayiələrə görə, HMD smartfonları uzun müddət ƏS yeniləmələri alacaq və çoxsaylı əlavələr olmadan Android-in stok versiyalarını işlədəcək.
