Ən böyük Çin smartfon istehsalçıları “Huawei”,”Oppo” və “Vivo” şirkətlərinin televizor bazarına çıxacağı haqqında məlumatlar yayılıb.Beləliklə, bu şirkətlər “Xiaomi”-nin getdiyi yolla addımlayaraq televizor istehsalçısı kimi də seçilmək istəyirlər.
“ICTinfo.az” “dailycomm.ru” resursuna istinadən bildirir ki,söhbət “ağıllı” televizorlar və ya Smart TV haqqında gedir. Bu müasir televizorlara və rəqəmli televiziya qəbuledicilərinə internetin və rəqəmli interaktiv xidmətlərin inteqrasiyası texnologiyasıdır. Belə texnologiyanın dəstəyi televizorlara internetdən videoyazı, filmlər, şəkillər köçürməklə lokal kabel telekanallarına, peyk telekanallarına qoşulmaq imkanı verir.
“Canalys” analitiklərinin məlumatlarına əsasən, “Huawei”, “Oppo” və “Vivo” smartfonların təxminən 68% Çin bazarında olur. Birinci yeri 27-faizlə “Huawei”-i tutur. “Oppo” və “Vivo” göstəriciləri müvafiq olaraq 21% və 20% təşkil edir.
Mənbə qeyd edir ki,smartfon bazarında möhkəmlənən adıçəkilən şirkətlər teevizor bazarında da eyni uğuru əldə edə bilər.
