İnsayderlərin sözlərinə görə,”HUAWEI” bir neçə çip üzərində işə başlayıb, onlardan biri “Kirin A2” olacaq. Şayiələrə görə, yenilik artıq sınaq mərhələsindən keçib və kütləvi istehsala hazırdır,lakin o, smartfonlar üçün nəzərdə tutulmayıb.
“Huawei Central” portalının məlumatına görə, yeni prosessor ağıllı saatlar və simsiz qulaqlıqlar kimi taxıla bilən cihazlarda istifadə olunacaq. Bu çiplər qabaqcıl istehsal proseslərini tələb etmədiyi üçün şirkət onları üçüncü tərəf satıcılarına etibar etmədən öz daxilində istehsal edə biləcək.
“Kirin A2”-nin premyerasının bu ilin üçüncü və ya dördüncü rübündə baş tutacağı gözlənilir. Nəşrdə gələcək yenilik haqqında texniki təfərrüatlar verilmir.Bu xəttin əvvəlki prosessoru “HUAWEI” tərəfindən 2019-cu ilin sentyabrında buraxılmışdı – o zaman Kirin A1 Bluetooth 5.1 və Bluetooth 5.1 Low Energy protokollarını dəstəkləyən daşına bilən cihazlar üçün bazarda ilk çip oldu.
