Avropa Aparat Təminatı Assosiasiyası “European Hardware Awards 2018” müsabiqəsi çərçivəsində qabaqcıl “Huawei P20 Pro” smartfonunu “2018-ci ilin ən yaxşı smartfonu” nominasiyasında qalib elan edib.
“Huawei P20 Pro” “Leica” şirkəti tərəfindən hazırlanmış üç qat kameralı dünyada ilk smartfon oldu. O,keyfiyyətli şəkilləri çəkmək üçün süni intellekt texnologiyaları ilə təchiz edilib.Ümumi səsvermədə smarton kamerasına görə,109 bal toplamaqla reytunqdə birinci yer tutub. 
“ICTinfo.az” “4pda.ru” saytına istinadən yazır ki, “Huawei P20 Pro” smartfonu 2240×1080 piksel təsvir ölçülü və tərəflər nisbəti 18,7:9 olan 6,1 düymlük OLED displeylə təchiz edilib. Smartfonun ön tərəfində “iPhone X” qurğusunun ekranında olduğu kimi kiçik açıq yer nəzərdə tutulub. O hissədə dinamik və 24 meqapiksellik ön kamera yerləşəcək, barmaq izləri skaneri isə ev düyməsinə yerləşdirilib. Aparat müxtəlif mobil proqramlarda kompüter təlimindən istifadəyə imkan verən neyron soprosessora malik “Kirin 970” prosessoru ilə təchiz edilib. Smartfon 6 QB-lıq əməli yaddaş, 128 QB-lıq daxili yaddaşa malikdir. “IP67” standartı üzrə toz və sudan qorunmuş akkumulyator batareyasının tutumu 4000 milliamper/saat təşkil edir.
Smartfonun üç qat əsas kamerası 40 meqapiksellik təsvir ölçüsünə malik RGB-sensor və 8 meqapiksellik telefotomoduldan ibarətdir. Bir qədər aşağı hissədə 20 meqapiksellik monoxrom (ağ-qara) modul yerləşdirilib.
“Huawei P20” smartfonu isə 2244×1080 piksel təsvir ölçüsünə malik 5,8 düymlük LCD ekran, 20 və 12 meqapiksellik təsvir ölçülü modullardan ibarət ikiqat əsas “Leica” kamerası, 4 QB-lıq əməli yaddaş, 3400 milliamper/saat tutumunda batareya ilə təchiz edilib. “P20 Pro” qurğusu kimi “P20” aparatı da “Android 8.1” sisteminin idarəetməsi altında işləyir və sahibinin sifətinin tanınması vasitəsilə qurğunu blokdan çıxartmaq sistemini dəstəkləyir.
“Huawei P20” və “P20 Pro” smartfonları qara, qızılı, çəhrayı, göy və yasəmən rənglərində əlçatdır.
Qeyd edək ki,hər il keçirilən “European Hardware Awards” mükafatlandırılmasında Avropa bazarında təqdim edilmiş ən yaxşı məhsullar iştirak edir. Aparıcı sahə üzrə ekspertlər iddiaçıların seçimi ilə məşğul olur.
