“HTC” şirkəti yeni qabaqcıl “U12 Plus” smartfonunu təqdim edib.”ICTinfo.az” “appleinsider.ru”-ya istinadən bildirir ki,smartfon “Snapdragon 845” prosessoru ilə təchiz olunub, “HDR10” və “DCİ-P3” dəstəkli tərəflər nisbəti 18:9,təsvir ölçüsü 2880×1440 nöqtə təşkil edən “Super LCD 6” ekrana və iki kameraya malikdir. “Edge Cense” jestini dəstəkləyən, toxunuşa həssas çərçivə var.Korpus “IP68” standartı üzrə sudan və tozdan müdafiə sisteminə malikdir. Smartfon qara, qırmızı və ya yarımşəffaf göy rəngli korpuslarda əlçatan olacaq.Arxa paneldə 12 və 16 meqapiksellik ikili kamera yerləşir. Kamera 4K formatlı, saniyədə 60 kadrlıq, eləcə də saniyədə 240 kadr sürətlə 1080p (proqressiv format) video çəkə bilir. Selfi kamerası 8 meqapikseldir. Operativ yaddaş həcmi 6 Gb, daxili yaddaş isə 64 və 128 Gb-dir.
Əməli yaddaşın tutumu 6 QB-dır. Smartfonun versiyasından asılı olaraq daxili yaddaş tutumu 64 QB və ya 128 QB təşkil edir, lakin hər iki halda “microSD” yaddaş kartlarının köməyi ilə daxili yaddaşı artırmaq mümkündür. Batareyanın tutumu 3500 milliamper/saat təşkil edir ki, bu da sələfinin göstəricisindən (3930 mAs) aşağıdır, amma indi “Qi” simsiz enerjidoldurma texnologiyası dəstəklənir.
Smartfonla birlikdə verilən qulaqcıqlar səs-küyü aradan qaldırmaq funksiyasına sahibdir.
“HTC U12 Plus”un 64 Gb yaddaşa malik versiyasının qiyməti 800 dollar, 128 Gb yaddaşı olan versiyasının qiyməti isə 850 dollardır.
