Honor X7b, 5G şəbəkələri üçün dəstək alan şirkətin yeni orta büdcəli cihazı oldu. Model həmçinin 6000 mAh batareya, 108 meqapiksellik kamera və bir sıra digər faydalı funksiyalar əldə edib.
Honor X7b 2412×1080 piksel təsvir ölçülü 6,8 düymlük IPS ekrana və 90 Hz yeniləmə tezliyinə malikdir. Aparat platforması 8 GB RAM və 256 GB yaddaşla birlikdə MediaTek Dimensity 6020 prosessoruna əsaslanır. Sürətli 35 vatt doldurma ilə 6000 mAh batareya muxtariyyətdən məsuldur.
Əsas kameranın təsvir ölçüsü 108 meqapiksel, ultra geniş kamerası isə 5 meqapikseldir. Həmçinin fon bulanıqlığı üçün 2 meqapiksellik modul və 8 meqapiksellik ön kamera da var. Həmçinin yan tərəfə quraşdırılmış barmaq izi skaneri, microSD yaddaş kartı yuvası, stereo dinamiklər və 5G şəbəkələri üçün dəstək elan edilib.
Yeni smartfonun qiyməti hələ açıqlanmayıb.
