WIN Max 2 (2023) noutbuku ilə birlikdə GPD G1 xarici qrafik kartını təqdim etdi.O,RDNA 3 arxitekturasına malik AMD RX 7600M XT GPU-ya əsaslanır və dünyada ən yığcam eGPU kimi yerləşdirilib.
Cihazın ölçüləri 225 x 111 x 29,8 mm,çəkisi 920 qramdır. İçəridə təkcə 8 GB GDDR6 video yaddaş və 32 MB sürətli Infinity Cache yaddaşa malik Radeon RX 7600M XT video kartı deyil, həm də daxili 240 Vt enerji təchizatı var.Performans testlərində video kart NVIDIA GeForce RTX 3070 ilə müqayisə edilə bilər və bəzi oyunlarda daha yüksək fps göstərir.
Xarici qrafik kartı iki DisplayPort 1.4a portu, bir HDMI 2.1 portu və 63Gb/s-ə qədər ötürmə qabiliyyətini təmin edən xüsusi OcuLink portu ilə təchiz olunub. Həmçinin üç USB 3.2 Type-A, bir USB 4 Type-C və bir SD yaddaş kartı yuvası var.
Hazırda GPD G1 xarici video kartı yalnız WIN Max 2 (2023) ilə birlikdə 1442 dollar qiymətinə satılır. Gələcəkdə cihaz ayrıca satılacaq, lakin qiyməti hələ açıqlanmayıb. Amma 799 dollarlıq noutbuku dəstdən çıxarsaq, məlum olur ki, eGPU-nun qiyməti 643 dollardır. Bununla belə, bu dəst üçün xüsusi qiymət ola bilər, ona görə də son qiymət daha yüksək ola bilər.
