“Google Chrome” brauzerində yan panel axtarışı və master parol funksiyaları olacaq. Əvvəllər onlar ilk dəfə “Microsoft Edge” brauzerində göründülər. Yeni funksiyalar artıq “Google Chrome”-un bəzi versiyalarında sınaqdan keçirilə bilər.
Yan panel axtarış funksiyası sayəsində brauzerin sağ tərəfində görünəcək səhifədən çıxmadan dərhal axtarış edə bilərsiniz. Bunun üçün səhifədə bir söz və ya cümlə seçmək kifayətdir və nəticələr, şəkillər, videolar və keçidlər yan paneldə göstəriləcək. Microsoft Edge bu funksiyanı 2021-ci ilin yanvarında təqdim etdi.
Həmçinin “Chrome” “cihaz parolu ilə daxil olmaq” adlı “Edge”-ə oxşar xüsusiyyətə sahib olacaq. Parolun avtomatik doldurulması funksiyası aktiv olduqda, bu parol “Google Chrome”-da bütün parollar üçün əsas parol olacaq. Bundan sonra “Google” brauzerdə saxlanmış etimadnamələrdən istifadə edən saytlarda avtorizasiya etmək üçün yalnız əsas parol tələb edəcək. Yeni funksiya artıq “Chrome Canary” brauzerinin ilkin versiyasında mövcuddur.
