Xarici xəbər mənbələrində “Samsung Galaxy J5” və “J7” smartfonlarının ilk fotoları görüntülənib.İnformasiyanı Almaniyanın “WinFuture” resursu təqdim edib. Mobil telefonların hər iki prototipi indiyə qədər rəsmən təqdim edilməmişdir və bu smartfonların təqdimat mərhələsində olmasına işarədir.Təqdim edilmiş informasiyadan aydın olur ki, smartfonlar müxtəlif rəng çalarlarında(qara, boz, mavi, gümüşü, çəhrayı və qırmızı-qəhvəyi) təklif ediləcəklər. “Samsung Galaxy J5” HD formatında 5,2 düym ekrana malik olacaq. “J7”-də monitor Full HD dəstəyi ilə ölçüsü 5,5 düym olacaq. Güman edilir ki, yeniliklər artıq bu yay təqdim oluna bilər. Qurğuların qiyməti texniki parametrlərinə görə, 279 avrodan başlayır və daha bahalı versiyası 339 avroya olacaq.
