Sosial şəbəkə cari ildə artıq ikinci dəfə xəbər lentinin formalaşması alqoritmini dəyişir və bunu istifadəçilərin rahatlığı üçün etdiyini bildirir. Facebook rəsmi bloqunda qeyd edir ki, istifadəçilər daha çox dostlarının paylaşımlarını görmək istəyirlər. Yeni alqoritmin tətbiq olunması ilə də artıq istifadəçilər dost və yaxınları tərəfindən edilmiş paylaşımları görəcəklər və postların əksəriyyəti şəkil və video çarxlardan ibarət olacaq. İnformasiya və əyləncə xarakterli paylaşımlar isə ikinci plana keçəcək. Sosial şəbəkə təmsilçiləri etiraf edirlər ki, bu addım bəzi səhifələrin aktivlilik göstəricisinə mənfi təsir edəcək.
