“Facebook”-un dünyada tanınmış smart-texnika istehsalçılarından biri ilə modulyar mobil telefonlar hazırlaması haqqında məlumatlar yayılıb.Qeyd edilir, müasir qurğu sensor ekrana malik olacaq, dinamik, həmçinin smartfonların bəzi funksiyalarını yerinə yetirə biləcək. “Facebook” şirkətinin nümayəndələri yeniliyin detallarının asanlıqla əvəz edilməsi imkanının olmasını əhəmiyyətli üstünlüklərindən biri adlandırıb. Amerika istehsalçılarının fikirinə əsasən, elektron qurğuların atılmasına səbəb hər hansı komponentlərdən birinin sınması səbəbindən baş verir. “Facebook”-dan yeni qurğu bu problemi unutmağa icazə verəcək, çünki onda köhnəlmiş komponenti əvəz etmək tez və çox sərfəli olacaq. Güman edilir ki, “Facebook” qurğusu yaddaşına proqram təminatını yükləyən ümumi serverə qoşulacaq.
