İstifadəçilərin böyük marağına səbəb olacaq xəbər var.»Facebook» ucuz virtual reallı dəbilqəsini ixtira etdi. «Ictinfo.az» «actualnews.org»-a istinadən bildirir ki, onun istifadəsi üçün smartfon və ya kompüterə ehtiyac olmayacaq.
«Pacific» kod adının altında istehsal ediləcək qurğu bazara 2018-ci ildə çıxarılacaq. Belə dəbilqənin qiyməti 200 dollar təşkil edəcək. Gözlənilir ki, belə qiymətin nəticəsində VR(Virtual Reallıq)-dəbilqəni hər kəs istifadə üçün əldə edə biləcək.
Agentliyin sözlərinə görə, qurğudan istifadə üçün sosial şəbəkələrdə xüsusi videolar, həmçinin oyunlar olacaq. Qurğunun bütün xarakteristikaları açıqlanmır.Onun istifadəsinin «Samsung Gear» VR-dan daha asan olacağı bildirilir.
Öz növbəsində «Oculus» şirkəti yeni VR-dəbilqənin yaradılması üçün «Xiaomi»-i ilə əməkdaşlıq etmək istəyir. Mümkündür ki, Çində «Xiaomi»-nin fərqləndirici xüsusiyyətlə istehsal edəcəyi qurğunun başqa marka altında ayrı versiyası çıxacaq.
