İndi “Facebook”-da 4K formatlı fotoları göndərmək mümkün olacaq.»Ictinfo.az» “actualnews.org” reursuna istinadən bildirir ki, artıq yüklənən şəkillər heç bir halda keyfiyyətini itirməyəcək.“Facebook” üçün göndərilən şəkillərin miqyası 4096х4096 pikselə çatacaq ki, bu da internet xidmətləri üçün ən böyük keyfiyyət göstəricisi hesab edilir.Hər ay sosial şəbəkə istifadəçiləri təxminən 17 milyard foto mübadiləsi həyata keçirir. Bu səbəblə onlar sosial şəbəkə rəhbərliyinə standart messenceri təkmilləşdirmək xahişi ilə müraciət ediblər. Artıq ABŞ, Kanada, Fransa, Avstraliya, Honkonq, Sinqapur, Cənubi Koreya və Yaponiyada yenilik tətbiq olunub. Yaxın həftələrdə yenilik bütün istifadəçilərə əlçatan olacaq.
Xatırladaq ki, bu günlərdə videosüjetlərin təhlili və redaktəsi üçün “Facebook Creator” təqdim edilib.
