“SpaceX” rəhbəri insanların qırmızı planetə getməyin neçəyə başa gələcəyini açıqalyıb.Sahibkarın sözlərinə görə, indiki şəraitdə bunun üçün təxminən 1 trilyon dollar xərcləməli olacaq.Mask dəqiqləşdirib ki, raket yaratmaqla yanaşı xərclər başqa işlərə gedəcək – insanları tibbi avadanlıq və müxtəlif rabitə vasitələri ilə təmin etmək lazım gələcək. O deyir ki, yüksək qiymət bəşəriyyət üçün Marsın koloniyalaşdırılmasını çətinləşdirir.
“SpaceX” rəhbərinin özü yaxın 5-10 il ərzində qırmızı planetə ilk insanları endirməyi planlaşdırır.
Bundan əvvəl Avropa Kosmik Agentliyinin mütəxəssisləri astronavtların Marsa çatdırılmasının ən yaxşı yolunu açıqlamışdılar. Onlar qış yuxusunun kosmos səyahətçiləri üçün əla həll ola biləcəyini iddia edirlər. Xüsusi yuxu kapsullarında üç aydan doqquz aya qədər davam edən qışlamadan danışırıq.
