Çinin MyDrivers portalının məlumatına görə,i.safe Mobile IS540.1 adlı smartfon ATEX/IECEx 1/21 zonalarında, yəni havada yüksək miqdarda partlayıcı qarışıqların və qazların müşahidə oluna biləcəyi yerlərdə istifadə üçün nəzərdə tutulub. Söhbət neft-kimya sənayesindən və digər oxşar sahələrdən gedir.
Cihazın korpusu IP68 və MIL-STD-810H standartlarına uyğun olaraq su, toz və zərbədən qorunur. Əlavə seçimlərə Wi-Fi 6, Bluetooth 5.2 dəstəyi, müasir naviqasiya sistemləri və kontaktsız ödəniş üçün NFC çipinin olması daxildir. Gücləndirilmiş dinamik və 5G şəbəkəsində işləmək imkanı da var.
Xüsusiyyətlər
Ekran: 6 düym, 2160 x 1080 piksel, Full HD, Gorilla Glass 3-cü nəsil;
Prosessor: Qualcomm QCM6490;
Yaddaş: 8/128 GB;
Kamera: əsas 48 MP (avtofokuslu) / ön kamera 5 MP;
Batareya: 4400 mAh;
ƏS: Android 12.
Cihaz ağırdır — 180,0 x 84,9 x 20,6 mm ölçüdə 422 q. Yaddaş MicroSD istifadə edərək genişləndirilə bilər.
Təəssüf ki, mənbə partlayışa davamlı smartfonun qiymətini açıqlamır. Bunun satış bölgələri ilə birlikdə daha sonra açıqlanacağı bildirilir.
