“Samsung Electronics” tərəfindən Hindistanın paytaxtı Dehlinin Noyda peyk-şəhərində dünyada smartfon istehsalı üzrə ən böyük fabrik istifadəyə verilib.Fabrik hər il 120 milyon ədəd qurğu istifadəyə verə biləcək.2020-ci ildə isə istehsalın tamamailə genişlənməsi üzrə işlər yekunlaşacaq.
“ICTinfo.az” “hitech.vesti.ru” resursuna istinadən bildirir ki,Hindistanda “Xiaomi” və “Oppo”-nun da öz istehsal müəssisələri var. Hətta “Apple” burada “iPhone SE” və “iPhone 6S” smartfonları istehsal edir.
Hal-hazırda Hindistanın 1,3 milyard əhalisi yalnız 425 milyon smartfona sahibdir.Bu bazarın artması üçün böyük potensial olduğuna işarədir.
“Samsung” 100 dollara qədər qiyməti olan qurğuları bu müəssisədə istehsal etməklə bazarı ələ almağı hədəfləyib. Koreya şirkəti uzun zaman Hindistanda smartfonların satışı üzrə liderlik etmiş və birinciliyi Çinin “Xiaomi” şirkətinə verməyə məcbur olmuşdu.
