«Bakı Telefon Rabitəsi» MMC pulsuz «Wi-Fi» xidmətinin əhatə dairəsini genişləndirməkdə davam edir. Məlumata görə, Port Baku Residence və Port Baku Mall arasında yerləşən parkda da pulsuz wifi şəbəkəsini aktiv edildi. Yaxın vaxtlarda Dədə Qorqud parkı və Nərimanov metrosunun yaxınlığındakı parkda da bu xidmət yaradılacaq.
Simsiz internet şəbəkəsinin genişləndirilməsi üzrə işlər bu ilin mart ayından «İctimai Wi-Fi» layihəsi çərçivəsində aparılır. Hazırda bu şəbəkəyə «İçərişəhər» dövlət tarix-memarlıq qoruğu, Dənizkənarı Milli Park, Heydər Əliyev Mərkəzinin parkı, Qış parkı, Zabitlər parkı, Sahil, Axundov, Sabir, Xaqani və Hüseyn Cavid,Səməd Vurğun və Muğan bağları daxildir.
