Xiaomi yaxın vaxtlarda hazırkı MIUI 14 mikroproqramına keçəcək cihazların siyahısını genişləndirib. Söhbət təkcə flaqmanlardan getmir: Xiaomi 13 seriyalı cihazlardan əlavə, növbəti yeniləmə dalğasına müxtəlif qiymət kateqoriyalarında daha iki onlarla smartfon daxil olacaq.
Mənbənin sözlərinə görə, yeni siyahısıya 24 qurğu daxildir:
Xiaomi: Mix 4, 12X, 11 Ultra, 11 Pro, 11, 11 Youth Vitality Edition, 10S, Civi 1S, Civi2
Redmi: K40 Pro, K40S, K40, Note 12 Pro, Note 12 Pro+, Note 12 5G, Note 12 Discovery Edition, Note 12 Trend Edition, Note 11T Pro, Note 11T Pro+, Note 11E, K40 Gaming Enhanced Edition, Note 10 Pro , Note11 Pro, Note11 Pro+
Bildirilir ki, sadalanan bütün smartfonlar MIUI 14-ün son versiyasını bu ilin mart ayının sonunadək əldə edəcəklər. Mikroproqram daha yeni qurğular üçün Android 13, həmçinin köhnə modellər üçün ƏS-nin 12-ci versiyasına əsaslanacaq. Qeyd etmək lazımdır ki, göstərilən müddət Çin bölgəsi üçün aktualdır – digər ölkələrdə proqram təminatı daha sonra buraxılacaq.
Bundan əlavə, planşet yeniləməsinin yol xəritəsinə əsasən, Xiaomi Tablet 5 Pro 12.4, Xiaomi Tablet 5 Pro 5G, Xiaomi Tablet 5 Pro, Xiaomi Tablet 5 və Redmi Pad 2023-cü ilin aprel ayının əvvəlində MIUI 14 alacaq.
