Cənubi Koreya şirkəti “Samsung” “Galaxy S20”, “S20+” və “S20 Ultra” modellərindən ibarət yeni seriyanı təqdim edib.”ICTinfo.az” “androidinsider.ru”-ya istinadən bildirir ki,regionlardan asılı olaraq sözügedən qurğular “Snapdragon 865” və “Exynos 990” prosessorları ilə təchiz ediləcək.Smartfonlar “Dynamic AMOLED” ekranına,“5G” şəbəkəsi imkanlığına və ən əsası “One UI 2” interfeysli “Android 10” əməliyyat sistemlidir.“Galaxy S20” və “S20+” 10 meqapikselli, “S20 Ultra” isə 40 meqapikselli ön kamera ilə təchiz olunub.
Qabaqcıl “S20” modeli 120 QHs takt tezlikli və “HDR+” dəstəkli 6,2 düymlük ekrana malikdir.Smartfon 8 GB operativ və 128 GB quraşdırılmış yaddaşa, eləcə də 4 000 mAs tutumlu akkumulyatora malikdir. Qurğunun arxa panelində 30 qatlı hibrid zummeri dəstəkləyən 64, 12 və 12 meqapikselli üç sensorlu kamera yerləşir.
“Galaxy S20+” qurğusu əsas qabaqcıl modeldən 6,7 düymlük ekran, 4500 milliamper/saat tutumlu akkumulyator və 12 giqabaytlıq versiyanın mövcudluğu ilə fərqlənir. Bundan başqa, qurğunun əsas kamerası əlavə üçölçülü “ToF” sensoruna malikdir.
“Galaxy S20 Ultra” modeli 6,9 düymlük displey, 5 min milliamper/saat tutumlu akkumulyator və 16 giqabaytlıq operativ və 512 giqabaytlıq quraşdırılmış yaddaş dəstəyi ilə işıq üzü görüb. Qurğunun əsas kamerası düzbucaqlı bloka quraşdırılmış dörd sensordan ibarətdir ki, onların da əsasının təsvir ölçüsü 108 meqapiksel təşkil edir. Əlavə obyektivlər 48 və 12 meqapiksellidir. Kamera üçölçülü “ToF” sensoru ilə təchiz olunub. Smartfonun bu versiyası 100 qatlı zummerə malikdir.
Qabaqcıl smartfonlar seriyasının satışına martın 13-dən etibarən başlamaq nəzərdə tutulur. “Galaxy S20” modelinin ilkin qiyməti 1 107 dollar, minimal qablaşdırmaya malik “Galaxy S20+” smartfonunun 1 265 dollar təşkil edəcək. “Galaxy S20 Ultra” modeli isə 1 581 dollar dəyərində qiymətləndirilib.
http://www.youtube.com/watch?time_continue=9&v=x0Kv_QRWR-I&feature=emb_title
