Nəhəng antenalar adətən kosmos kəşfiyyatı avadanlıqları ilə əlaqələr üçün istifadə edilir,lakin onlar həm də daha “yerdən aşağı” arealda istifadə edilir.Məlumata görə,çinlilər dünyanın ən böyük uzaq məsafəli antenasını hazırlayır.Onun köməyi ilə 3000 km-ə qədər məsafədə sualtı qayıqlarla əlaqə saxlamaq mümkün olacaq.
“ICTinfo.az” “Rambler.ru”-ya istinadən bildiri ki,böyük antenna Pekindən təxminən 1000 km cənubda, Dunhuangdan 2000 km cənub-şərqdə və Mianyandan 1000 km şərqdə yerləşdirilib. Çinlilər dəqiq yeri açıqlamasalar da, bəzi vacib detalları açıqlayıblar. Layihədə mürəkkəb kabel şəbəkəsindən və ənənəvi elektrik şəbəkələrinə bənzər bir çox qüllədən istifadə ediləcəyi gözlənilir. Sistem Yeri nəhəng radiostansiyaya çevirmək üçün elektrik cərəyanından istifadə edən iki yeraltı ötürücüdən istifadə edir.Artıq qeyd etdiyimiz kimi, onun sualtı məsafəsi təxminən 3000 km-dir. Bunun sayəsində çinlilər Sakit okeanın qərb hissəsində Amerikanın Quam bazasının sularında gizlənən öz sualtı qayıqları ilə əlaqə saxlaya biləcəklər. Testlər artıq 200 m dərinlikdə və antenadan 1300 km məsafədə yerləşən qəbuledici ilə problemsiz əlaqə saxlamağın mümkün olduğunu təsdiqləyib. 0,1-dən 300 Hz-ə qədər olduqca aşağı tezliklər həm sualtı, həm də yeraltı çox uzun məsafələri qət edə bilən sabit rabitə təmin etmək üçün istifadə olunur.
