Bu gündən dünyanın ən populyar messenceri “WhatsApp” bir çox smartfonda fəaliyyətini dayandıracaq. Və biz “Android”-in köhnəlmiş versiyalarından danışırıqsa demək söhbət milyonlarla istifadəçidən gedir.
Daha əvvəl elan edildiyi kimi, WhatsApp oktyabrın 24-dən etibarən “Android” əməliyyat sisteminin 5.0 (Lollipop)-dan aşağı versiyalarını dəstəkləməyəcək. İndiyədək messencer ən azı Android 4.1 və ya daha yeni versiya tələb edirdi. Beləliklə, Android 4.1–4.3 Jelly Bean və Android 4.4 KitKat əməliyyat sistemləri ilə işləyən smartfon sahiblərinin proqramdan istifadəni davam etdirmək istəsələr, yeniləmək üçün bir gündən az vaxtları var.
2023-cü ilin iyun ayına olan “Google” statistikasına görə, bütün aktiv “Android” cihazlarının təqribən 0,5%-i “Android 4.4 KitKat” əməliyyat sistemi ilə işləyirdi. Ancaq “yaşıl robot”dakı qurğuların ümumi sayının 3 milyardı ötdüyünü nəzərə alsanız, onda söhbət “WhatsApp”-ın artıq işləməyəcəyi təxminən 15 milyon cihazdan gedir.
