Amerika filantropu Bil Qeyts bioloji silahın tətbiqiylə terror aktı təhlükəsi haqqında xəbərdarlıq etdi. “Microsoft” korporasiyasının banisinin sözlərinə görə, bu cür hücum təxminən otuz milyon insan məhv edə bilər və bu öz növbəsində nüvə zərbəsindən daha dağıdıcıdır.
“Ictinfo.az” “dni24.com”-a istinadən bildirir ki,bu haqda Bil Qeyts London Kral İnstitutununda çıxış zamanı danışıb.Dünyanın ən zəngin insanlarından biri qeyd edib ki, müasir texnologiyalar bəşəriyyət üçün daha yaxşı və daha sadə həyat yaşamaq üçün böyük imkanlar açdı. Ancaq eyni zamnanda bu texnoloji inkişaf cinayətkarlara da yeni şəraitlər yaradıb.
Amerika milyarderi güman edir ki, bəşəriyyət üçün bütün dövrlərdə təhlükə törədən terrorçular yeni texnologiyalardan istifadə etməklə hər hansı öldürücü bir virus yarada bilər. Buna görə də elmi işçilər üçün belə virusun qarşısın almaq üçün çox vaxt lazım olacaq.Yeni virusun yaratdığı xəstəlik nüvə silahından daha təhlükəli olaraq milyonlarla insanın həyatına son qoya bilər. Qeytsin fikrincə, cinayətkarlar tərəfindən belə təhlükə ən yaxın on beş ildə ola bilər.
