Intel korporasiyası və onun Azərbaycanda Gold statuslu yeganə tərəfdaşı olan Bestcomp Group şirkətinin təşkilatçılığı ilə “Intel Shapes the Future of Technology” adlı konfrans keçirilib.
EMEA (Avropa, Yaxın Şərq və Afrika ölkələri) və MDB regionlarında “Intel” partnyor şəbəkəsinin inkişafı üzrə menecer İolanta Vasilevska qonaqları salamlama nitqində “Intel” korporasiyası və Azərbaycan arasında əlaqələrin inkişaf perspektivlərini vurğulayıb. “Bizim Bestcomp Group ilə tərəfdaşlığımız və bu şirkətin qısa zamanda əldə etdiyi bu cür yüksək status “Intel” korporasiyasının bu ölkədə özünü inamlı hiss etməsinə imkan verir. Biz təklif etdiyimiz müasir həllərlə və Bestcomp kimi peşəkar tərəfdaşlarla bazarda texnoloji cəhətdən üstünlüyümüzü göstərmək arzusundayıq”, – İolanta çıxışında qeyd edib.
