«Bakı Telefon Rabitəsi» MMC pulsuz «Wi-Fi» xidmətinin əhatə dairəsini genişləndirməkdə davam edir. Məlumata görə, yaxın vaxtlarda Dədə Qorqud parkı və Nərimanov metrosunun yaxınlığındakı parkda da bu xidmət yaradılacaq.
Simsiz internet şəbəkəsinin genişləndirilməsi üzrə işlər bu ilin mart ayından «İctimai Wi-Fi» layihəsi çərçivəsində aparılır. Hazırda bu şəbəkəyə «İçərişəhər» dövlət tarix-memarlıq qoruğu, Dənizkənarı Milli Park, Heydər Əliyev Mərkəzinin parkı, Qış parkı, Zabitlər parkı, Sahil, Axundov, Sabir, Xaqani və Hüseyn Cavid,Səməd Vurğun və Muğan bağları daxildir.
Xidmət işə salındıqdan etibarən şəbəkəyə 500 mindən çox qoşulma qeydə alınıb.
