Armudu Games 2024-cü ilin dekabr ayında Praqada təhsil alan üç azərbaycanlı tələbə (Kamil Hüseynov, Emil Fərzəliyev, Ayət İdayətov) tərəfindən yaradılmış müstəqil (indie) oyun studiyasıdır.
Studiyanın əsas məqsədi beynəlxalq səviyyədə keyfiyyətli oyunlar hazırlamaq, Azərbaycanı oyun sənayesində təmsil etmək və ölkədə oyun inkişafına marağı artırmaqdır.
Hazırda studiya ilk layihəsi olan «Dorm 17» üzərində işləyir.
Oyun klassik PS1 dövrünün vizual üslubundan ilham alaraq gündəlik həyat atmosferini yavaş-yavaş psixoloji gərginliyə çevirən hekayə təqdim edir.
Oyunda gecə növbəsində yataqxana receptionist-i kimi işləyən gəncin adi görünən ilk iş günü müəmmalı hadisələrə çevrilir. Atmosfer, gərginlik və hekayə oyunun əsas elementlərini təşkil edir.
Rəsmi vebsayt — armudugames.com
Rəsmi instagram səhifəsi — armudugames
