2021-ci ildə Avropa Birliyi ölkələri “5G” inkişaf sahəsində Çin və ABŞ-a yaxınlaşmağın mümkün olmayacağını etiraf etsələr də nikbindirlər və bu ilin Avropanın bazarı üçün mühüm il olacağını düşünürlər.Koronavirus pandemiyasından sonra iqtisadiyyatın bərpası fondundan yeni texnologiyaların maliyyələşdirilməsinə 750 milyard avro ayrılıb.Hətta “Nokia”, “Ericsson”, “Telefonica” bu istiqamətdə müzakirə və planlara qoşulub.
“ICTinfo.az” “iz.ru” saytına istinadən yazır ki,”Ericsson” şirkətinin proqnozuna görə, qarşıdakı 5 ildə operatorlar Qərbi Avropa ölkələrinin çox hissəsini (təxminən 55%) “5G” şəbəkələrinə qoşacaqlar. Mərkəzi və şərqi regionda vəziyyət daha mürəkkəbdir – şirkətlər ərazinin yalnız 27%-ni “5G” qüllələrlə təmin edə biləcəklər.
Avropa Birliyi “5G” texnologiyalarının tətbiqi üzrə ilk tədbirlər paketini razılaşdırıb. İspaniyanın “Telefonica” şirkətinin baş direktoru Xose Maria Alvares-Palletinin sözlərinə görə, Avropa Komissiyası və böyük şirkətlər son 6 ayda real layihələr hazırlayıblar və artıq 2021-ci ilin ortalarına kimi yeni rabitə standartının istismarından ilk gəlirlər əldə ediləcək.
