“ASUS” şirkəti 5-9 iyun 2018 tarixlərdə Taybey şəhərində keçirlən “Computex 2018″ sərgisinin ilk günüdə, biri ənənəvi klaviaturanı əvəz edən iki ekranlı klaviaturasız noutbukun prototipini təqdim etdi. O,”Project Precog” adını aldı.
Prototip “Lenovo”-nun “Yoga” noutbukları kimi bir neçə rejimdə işləyə bilər.Yəni ənənəvi planşet, həmçinin hər iki ekrana şaquli açılan və iki monitor kimi istifadə oluna bilən rejimlərdə.Qurğu onu hansı rejimdə istifadə etməyə hazırlaşdıqlarını özü bilir və həmin an ekranın digər hissəsində kalaviatira görünür. Bu süni intellekt əsasında sistemin köməyi ilə reallaşdırılır.
Həmçinin süni intellekt günün vaxtından asılı olaraq akkumulyatorun yükünü optimallaşdırmağa kömək edir. Noutbuk kompüter görməsinin alqoritmləri üçün sürətləndirici “Intel Movidius”-un köməyi ilə istifadəçinin əllərinin vəziyyətini izləyir. O, “Windows Cortana” və “Amazon Alexa” səs köməkçiləri dəstəkləyir.
“ASUS”-un sözügedən “Project Precog” qurğusu 2019-cu ildə satışa çıxacaq.
