“Apple”ın Fransa bölməsi rəsmi təqdimatına hazırlıq gedən yeni “Beats” qulaqcıqlarını təsadüfən aşkara çıxarıb.CNET-in verdiyi xəbərə görə, şirkət “Apple”ın yeni məhsullarının təqdimatını keçirəcəyi 7 sentyabrdakı tədbirlə bağlı məktubların istinadlarını yayıb. Həmin məktublarda bunlar yazılıb: “”Apple”ın texnologiyaları sevən hər kəs üçün təqdimatı! Bu hadisəni qaçırmayın! “Beats by Dre”nin bir sıra yeni məhsulları sentyabrın 7-də nümayiş etdiriləcək!”İnformasiyanın “iGen” saytında yayılmasından sonra “Beats”ın tələbi ilə dərhal çıxarılıb. Lakin bir sıra informasiya resursları məlumatın “skrinşot”unu götürüblər və məsələ internetdə geniş yayılıb. Ekspertlər “Beats” qulaqcıqlarının təqdimatına hazırlıq görülməsini “Apple”ın “iPhone 7”də ənənəvi 3,5 mm-lik birləşdiricidən imtina etməsi ilə əlaqələndirir.
Xatırladaq ki, sentyabrın 7-də San-Fransiskoda keçiriləcək rəsmi tədbirdə “iPhone 7” smartfonları rəsmən təqdim ediləcək.
