Məlumata görə, “Apple” “Apple Mac” üçün ARM-prosessor və “iPhone”-lar üçün mobil modemləri özü istehsal edəcək.Beləliklə, şirkət “Qualcomm” kimi “Apple” ilə münasibətləri o qədər isti olmayan kənar istehsalçıdan asılı olmayacaq.
Şəxsi çiplərin istehsalına başlamaq məqsədilə “Apple” “Novatek” və “AU Optronics” şirkətlərindən bir neçə mühəndis işə qəbul edib.
“Ictinfo.az” “iPhone.ru”-ya istinadən bildirir ki,mobil modemlərin və prosessorların istehsalı sahəsində peşəkarlar “Apple”-ın bu qərarının tez olduğunu bildirir. Onların dediklərinə görə, belə çipin yaradılması üçün 1000-dən az olmayan mühəndis və bir neçə il iş lazım olacaq.
Bununla belə “Apple” müəyyən müvəffəqiyyətlərə nail oldu. Artıq neçə illər onların smartfonu, planşet və saat firma prosessorları ilə təchiz edilir. Bu ildə “Apple” “Imagination Technologies” şirkətinin xidmətlərindən imtina etdi və yeni “iPhone”-a özü hazırladığı qrafik sürətləndiricisini qurdu.
