“Apple” özünün “Apple Music” markalı musiqi xidmətinin yenilənməsini elan etdi – yeni Sing funksiyası axın platformasından karaoke aləti kimi istifadə etməyə imkan verəcək.
“Apple Music-də söz axtarışı davamlı olaraq xidmətimizin ən populyar xüsusiyyətlərindən biri olub, ona görə də biz mahnı oxumaqla musiqi ilə daha çox məşğul olmaq üçün bu təklifi daha da inkişaf etdirmək istədik” -“Apple Music” və “Beats” üzrə vitse-prezidenti Oliver Şusser bildirib.
“Apple Music” “Sing” istifadəçilərə mahnının orijinal audio trekinin səs səviyyəsini seçmək, trekləri bir-biri ilə qarışdırmaq və eyni mahnını bir neçə səslə oxumaq imkanı verəcək. Xüsusi alqoritm ifaçıların duetini nəzərə alaraq musiqi ilə sinxronlaşdırılmış mətni tərtib etməyə və bek-vokal üçün ayrıca treklər ayırmağa imkan verəcək.
Apple Music Sing seçimi dekabrın sonunda bütün dünya üzrə Apple Music abunəçiləri üçün əlçatan olacaq. Yeni funksiya iPhone, iPad və yeni Apple TV 4K-da tətbiq tərəfindən dəstəklənir.
