“Apple”-ın 1976-cı il istehsalı olan 6 işlək kompüterindən biri hərracda 355 min dollara satılıb. Sonuncu hərrac zamanı şirkətin ilk istehsallarından olan kompüter üçün ödənilən məbləğ elə də böyük deyil. Belə ki, 2013-cü ildə analoji model üçün demək olar ki, 2 dəfədə böyük məbləğ – 671 min, 2014-cü ildə isə 905 min dollar ödənilib. Müqayisə üçün qeyd edək ki, hərrac zamanı 4-rotorlu “Eniqma” maşını 547 min dollara satılıb.
“Ictinfo.az” “vistanews.ru”-ya istinadən bildirir ki,”Apple”-ın ilk kompüterini şirkətin həmtəsisçisi Stiv Voznyak şəxsi istifadə üçün yaradıb. Hazır ödəmə şəklində qurğu 666,66 dollara satılıb. Bu rəqəm ixtiraçının ən sevimli rəqəmi olub.Kompüterdən istifadə üçün sahibi ona ekranı, korpusu, qida mənbəyini və klaviaturanı müstəqil əlavə etməli idi. Bu tip kompüterlər cəmi 200 ədəd satışa çıxarılıb. İndi dünyada yalnız kompüterdən 63 ədə mövcuddur ki, onun da 6-sı işlək vəziyyətdədir.
