“Apple”-ın rüblük mənfəət əldə etməsi haqqında məlumat verilir.“ICTinfo.az” “appleinsider.ru” saytına istinadən yazır ki,dekabrın 28-də bitən 2020-ci maliyyə ilinin birinci rübündə gəlir 91,8 milyard dollar təşkil edib ki, bu da ötən ildən 9% çoxdur. Şirkətin xalis mənfəəti 22,2 milyard dollar təşkil edib.
“Apple”ın baş direktoru Tim Kuk deyib ki, şirkətin uğuru “iPhone 11” və “iPhone 11 Pro” smartfonlarına olan yüksək tələbat, həmçinin daşınan qurğular və xidmətlərlə əlaqədardır.
Məlumata görə, gəlirin böyük hissəsi (61%) beynəlxalq satışların payına düşür.
