Düz 15 il əvvəl, 29 iyun 2007-ci ildə ABŞ-da birinci nəsil “iPhone”-un satışına başlanılıb. Cihaz “Apple” tarixində ən gəlirli məhsul oldu – təkcə 2021-ci ildə o, şirkətə “Microsoft” və ya “General Motors” kimi dünyanın ən böyük şirkətlərinin gəlirlərini üstələyən gəlir təmin etdi.
“Kommersant” Almaniyanın “Statista” statistik xidmətinin məlumatlarına istinadən xəbər verir ki, 2021-ci ildə “iPhone” satışları 191,9 milyard dollara çatıb.Yalnız bir “Apple” məhsulundan əldə edilən gəlir ən iri şirkətlərin gəlirlərini üstələyib. Apple-ın 2021-ci maliyyə ili üçün ümumi gəliri 365 milyard dollar təşkil edib.
Bu günə qədər iPhone qlobal smartfon bazarında 17,4% paya malikdir və bu o deməkdir ki, dünyada demək olar ki, hər beş smartfondan biri Apple tərəfindən istehsal olunur. 15 il ərzində şirkət 2 milyarddan çox iPhone satıb, onların ümumi dəyəri 1,5 trilyon dolları keçib.
