“Apple” qurğularının təmirinin çətinliyinə görə,dəfələrlə tənqid olunub. Məsələn, üz tanıma modulunun nasazlığı səbəbindən bütün cihazın dəyişdirilməsinə gətirib çıxarır. Görünür, şirkət tənqidlərdən nəticə çıxarıb.İnsayderlərin fikrincə,şirkət qurğularının tezliklə bir problemi az olacaq.
MacRumors tərəfindən verilən məlumata görə,”Apple” pərakəndə satışları və səlahiyyətli tərəfdaşları tezliklə bütün cihazı dəyişdirmədən “iPhone XS” və daha yeni modellərdə “Face ID”-ni təmir edə biləcəklər. Şirkət qeyd edir ki, texnoloqlar yeni hissəyə, TrueDepth moduluna çıxış əldə edəcəklər ki, bu modulda “Face ID” sensoru ilə yanaşı ön kamera sensoru da var.
“Apple” bildirib ki, bu addım şirkətin karbon izlərini azaltmaq öhdəliyinin bir hissəsi kimi cihazların tam dəyişdirilməsinin sayını azaltmağa kömək edəcək. Bütün cihazı dəyişdirmək əvəzinə “Face ID” təmirini həyata keçirib-etməməyi müəyyən etmək üçün mağaza və xidmət işçiləri “Apple Service Toolbar” diaqnostika alətindən istifadə edəcəklər. “iPhone” istifadəçiləri üçün yeni xidmətin başlama tarixi hələ məlum deyil.
