TFI Qiymətli Kağızlar üzrə analitik Ming-Chi Kuo “Twitter”-də bildirib ki,”Apple” yaxın iki il ərzində ekrandaxili “Touch ID” skaneri olan “iPhone” buraxmayacaq.
Maraqlıdır ki, 2021-ci ilin sentyabrında Kuo 2023-cü ilin ikinci yarısında ekranın altında barmaq izi skaneri olan ən azı bir “iPhone” modelinin buraxılacağını proqnozlaşdırmışdı.
Kuo indi “Face ID”-ni daha da inkişaf etdirmək üçün bu qərardan imtina edildiyini bildirdi. Məsələn, iOS 15.4-ün buraxılması ilə “iPhone”-lar maska və eynək taxan sahibləri tanımağı öyrəniblər.
Bundan əvvəl “Bloomberg”-dən jurnalistlər Mark Qurman və The Wall Street Journal-dan Coanna Stern dəfələrlə “Apple”-ın bəzi “iPhone 13” prototiplərində ekranaltı “Touch ID”-ni sınaqdan keçirdiyini, lakin şirkət buraxılışla bu funksiyadan imtina etdiyini bildirmişdi.
