Bəzi «iPhone 12» və «12 Pro»-da ciddi problemlər var: «Apple» onları satış tarixindən etibarən iki il ərzində təmir edəcək.Qüsurlu smartfonlar zəng edərkən və ya qəbul edərkən səs çıxarmır.
«ICTinfo.az» «ixbt.com»-a istinadən bildirir ki,səs problemləri səbəbindən naməlum sayda «iPhone 12» və «iPhone 12 Pro» modelləri «Apple» tərəfindən geri çağırılıb.
Mənbənin sözlərinə görə, «iPhone 12 mini» və ya «iPhone 12 Pro Max» smartfonlarında oxşar problemlər olmayıb.
“Apple” şirkətinin rəsmi açıqlamasına görə, söhbət 2020-ci ilin oktyabrından 2021-ci ilin aprelinə qədər buraxılan «iPhone 12» və «iPhone 12 Pro» modellərindən gedir. «Apple», qəbuledici modulda potensial komponent nasazlığı səbəbindən «iPhone 12» və «12 Pro» modellərinin «çox kiçik bir faizində» səs problemləri ola biləcəyini söylədi. Qüsurlu smartfonlar zəng edərkən və ya qəbul edərkən səs çıxarmır.
«Mydrivers» Çin nəşrinin məlumatına görə,»iPhone 12″ və «iPhone 12 Pro»-nun qlobal versiyalarının istifadəçiləri üçün problem digər regionlarda da baş verə bilər. Çindəki «Apple» rəsmisi bildirib ki, bu problemi olan bütün istifadəçilər müvafiq cihazları üçün pulsuz xidmət almaq üçün «Apple» və onun xidmət mərkəzləri ilə əlaqə saxlaya biləcəklər.
